Te Tohu i to Tatou Kainga | Reo Māori
Ka whakatere te waka Endevour ki Aotearoa e kapene Hēmi Kuki me te tohunga nō Tahiti a Tupaia. Ka tau atu ki Motuara ki te tauihu o te waka a Māui.
Nā Rina Pinker i tuhi
Nā Tākuta P N Meihana te tuhinga tahito
Nā Tony Pinker ngā whakaahua i tā
He kaihōpara a Hēmi Kuki, e ngākau nui ana ki te whakarērere i te moana. I whakatōmene ia i Te Moana nui a Kiwa puta noa, kia taunahanahatia te whenua mā tōna kīngi, me tōna kuīni. I tūtaki atu a Hēmi ki tētahi tohunga nō Tahiti i tōna haerenga – he mātanga whakatere waka; ko Tupaia tōna ingoa, he nui ōna reo kōrero. Nā Tupaia i oha atu kia āwhina i a Hēmi, i a ia e whakawhiti ana i te moana.
Ka ū rāua ki Aotearoa, te whenua o te ao roa mā. I piki rāua ki te tihi o te moutere o Motuara – he tūnga whakahirahira tēnei. I tūtaki atu rāua ki te rangatira, ki a Topaa, ā, i kīia atu e Hēmi mō tana hiahia kia rere te Tiaki o Ingarangi ki runga o Motuara. I whakaae a Topaa ki te wāhi, ā, i kōrero mō ngā ingoa o ngā wāhi e karapoti ana i te moutere.
He tāne nō Ingarangi a Hēmi, i uaua ki a ia te whakahua i ngā ingoa nō reira i tonoa kia panonihia. Ā muri i te wānanga, me te tohe mō ngā ingoa, i whakatau a Hēmi kia tapa te wāhi rā ki te ingoa o Queen Charlotte Sound hei takoha atu ki tōna kuīni. I tapaina hoki e ia ētahi atu ingoa, nāwai rā i whakaaetia ēnā ingoa i roto i ngā hitōria o aua takiwā.
Haere he whakatupuranga, kāore te iwi Māori i wareware ki ngā tūpuna nā rātou ngā wāhi tapu i whakaingoa. Nāwai, nāwai, i te pikinga tonutanga o te nama o te hunga e ako ana i te reo Māori, ka whakaora anō ngā ingoa tūturu me te whakamahia o aua ingoa e ngā tāngata katoa o Aotearoa whānui.