Horouta | Kōhungahunga
Ka wehe a Paoa rāua ko Kiwa i Hawaiki ki te rapu whenua hou mō a rāua uri. Ka tau mai ki Aotearoa ki te wāhi e kiia ko Tūranga nui a Kiwa.
He mātanga Māori a Paoa rāua ko Kiwa ki te whakatere waka, ki te tārai waka hoki, nō te whenua tuauki o Hawaiki. I whakatere rāua i Te Moana-nui-a-Kiwa i runga i te waka o Horouta ki te rapu i te whenua i toroa kētia e tō rāua tupuna, e Toikairākau. I riro mā Hinehākirirangi, te tuahine o Paoa, ngā kōpura kumara e tiaki, kia heri mai ki Aotearoa. Ko Paoa hei toihau o te waka, ko Kiwa hei tohunga e haumaru ai te ūnga mārika mai o te waka ki Aotearoa. I tomo te tamāhine a Paoa, arā ko Hineakua, ki te tama a Kiwa, ki a Kahutuanui. I whāia ngā tikanga ā-iwi kia taunahatia te whenua, ā, i tukuna te whenua ki a Kahutuanui rāua ko Hineakua hei kaitiaki nō te hekenga tuatahi mai o ngā tāngata ki Aotearoa.