Te Tauihu Tūranga Whakamana | Reo Māori
He whakairo kei te tū ki te taone o Tūranga. He tauihu e whakamana i ngā iwi kainga o Tūranga nui a Kiwa.
Kua whakairoiro te taraitanga hōu, nui hoki o Te Tauihu Tūranga Whakamana kia rite ki te tauihu o te waka, hei whakanui i ngā kaihōpara Māori o nehe me ō rātou āheinga ki te whakatere i Te Moana-nui-a-Kiwa i mua rā anō i ngā hērama hautoa whakatere kore o Tauiwi. Ko Derek Lardelli rāua ko Te Aturangi Nepia-Clamp ngā kaihoahoa o te Tauihu, ā, i tāraia e ngā mātanga toi, tohunga kaiwhakairo hoki, e Te Aturangi Nepia-Clamp rāua ko Bill Baker.
He mea whakaputa e te tāraitanga nei mō te hononga i waenga i ngā Māori ki te rohe o Tūranganui-a-Kiwa, Aotearoa me te ao Māori. Ka whakaahuatia e te whakairo nei te orokohanganga o te ao Māori, ka whakaū hoki i ngā tātai whakapapa i waenganui i a Ranginui rātou ko Papatūānuku, ko Tangaroa. Ka kōrero mō ō rātou tāpaetanga ki te ao hurihuri ka kitea i ēnei rangi nei. Ka kite mārika hoki i te whakahiranga o ngā tūpuna Māori tuatahi; i a Māui te tupua, me te tupuna tuatahi e mōhiotia nei e te Māori, i a Toikairākau, nāna te iwi Māori whānui i ārahi mai ki Aotearoa i te hekenga tuatahi mai o ngā waka i Hawaiki.