Riki me te Kaipuke | Reo Māori
Ko Riki he kākā nō Meretoto. Ka māwhiti tana titiro ki te kaipuke o Endeavour i te wā e takahuri te waka ki te whakapai te takere. Ka horapa ngā riha ki uta.
Ko Riki me te Kaipuke – He Whakarāpopototanga
Nā Rina Pinker i tuhi
Nā Tākuta P N Meihana te tuhinga tahito
Nā Tony Pinker ngā whakaahua i tā
He kākāriki a Riki e noho manahau ana ki te puihi o Meretoto, e rērere haere ana, e waiata ana ki roto i te ngahere. Tērā tētahi rā, i haikatia tētahi kaipuke nā kāpene Hēmi Kuki i whakakāpene, ki te kokoru. Ka mātakina atu e Riki i a Kāpene Kuki me āna kaumoana e whakarite hōpuni, whakatō huawhenua ana, e tītongi poaka ana, e whakapai ana anō hoki i tō rātou kaipuke mā te whakakukū i te kaipuke ki uta, i roto i te kokoru. Ka porohurihia ana te Endeavour kia whakamā ai, ka āhei ngā kiore kia pahiko atu ai i te kaipuke, kia kaingia ngā kōhanga o ngā manu māori.
Ka kitea e Riki ko ia anake te kākāriki motuhake e ora tonu ana ki Meretoto, te pānga whakamōtī o ngā kiore ki te oranga o ngā manu o te kokoru. Ka hokihoki mai te Endeavour, a Kāpene Kuki me āna kaumoana ki Meretoto, ka waiho mai anō te tini o ngā kiore kia whakarea, ka whakamatea tonutia ai ngā manu.
Ka whakaaro a Riki kei hea rā ōna hoa, ā, i muri tata iho ka kitea ngā kaiwhāomoomo e tango ana i ngā hua me ngā kōhanga i ngā manu tata korehāhā i Meretoto, ka heri atu ai ki te moutere pātata, ki Motuara – he wāhi whakamauru i whakatūria ai mā ngā manu pēnei i a Riki.
Ka rere a Riki ki te moutere rā, ā, ka kitea ētahi atu kākāriki, me tētahi wāhi haumaru hoki e āhei ai tana rere, me tana waiata anō hoki ki tāna i pai ai.